Сайн байцгаана уу? Захирлын мэндчилгээ Манай сургуулийн цахим хуудсанд зочлон саатаж буй та бүхний энэ өдрийн амар амгаланг эрэн мэндчилье. Монгол Улсын Сайд нарын зөвлөлийн 1964 оны 05 дугаар сарын 27-ны өдрийн 265-р тогтоолоор Барилгын техникийн мэргэжлийн сургууль болон өргөжсөнөөр манай сургууль баруун бүс нутагт барилгын мэргэжилтэй боловсон хүчин бэлтгэх гол төв болон гал голомтоо бадраасан түүхтэй. Эдүгээ бид 2024 онд түүхт 60 жилийн ойгоо амжилт бүтээлээр дүүрэн тэмдэглэн өнгөрүүлж, зургаан арваны турш их бүтээн байгуулалтын эзэд, мэргэшсэн ажилтнуудыг бэлтгэн гаргасан түүхэн замналаараа бахархаж байна. Энэхүү хүндтэй бөгөөд хариуцлагатай үйлсэд гар сэтгэл нийлэн зүтгэж буй эрдэмтэн багш нар, ажилтнууд, үе үеийн ахмад сурган хүмүүжүүлэгчид, эрдмийн их өргөөнөөс жигүүрлэн гарсан мянга мянган төгсөгчид, суралцагч залуус, эцэг эхчүүд болон бидэнтэй хамтран ажилладаг түнш байгууллага, төсөл хөтөлбөрийн баг хамт олон та бүхэндээ гүн талархал илэрхийлье. Цаг хугацааны алтан хэлхээнд энэ сургуультай ажил амьдрал, хувь заяагаа холбосон хүн бүрд эрүүл энх, аз жаргал, амжилт бүтээлийн дээдийг хүсэн ерөөе.